2026 оны 05 дугаар сарын 13-ны өдөр Ажлын байрны эрэлт хэрэгцээ өндөртэй Хөргөлтийн технологи ба кондиционерийн мэргэжилтнүүдийг бэлдэхэд чиглэсэн хамтын ажиллагааны гэрээг Шинжлэх ухаан технологийн их сургуулийн Эрчим хүчний инженерчлэлийн сургууль болон Хөргөлт Инженеринг ХХК-тай байгуулав.

Хамтын ажиллагааны хүрээнд талууд дараах чиглэлээр хамтран ажиллахаар тусгав:

• Оюутны дадлага зохион байгуулах;
• Төгсөгчдийг ажлын байраар хангах;
• Салбарын хэрэгцээнд нийцсэн инженерийн боловсон хүчний нөөцийг бүрдүүлэхэд хамтран ажиллах;
• Мэргэжлийн чиг баримжаа олгох арга хэмжээ, уулзалт, өдөрлөг хамтран зохион байгуулах;
• Оюутанд олгох тэтгэлэг, богино хугацааны сургалтын санхүүгийн дэмжлэг үзүүлэн ажиллах;
• Эрдэм шинжилгээ, технологи хөгжүүлэлт, зөвлөх үйлчилгээний чиглэлүүдээр хамтын ажиллагааны гэрээнд тусган хамтран ажиллахаар боллоо.

ШУТИС-ийн Эрчим хүчний инженерчлэлийн сургууль

2026.05.13