ШУТИС-ийн Эрчим Хүчний Инженерчлэлийн Сургууль EDU Park төвтэй хамтран ажиллах санамж бичиг (MoU) байгуулж, STEM боловсрол болон инженерийн чиглэлийн хамтын ажиллагааг эхлүүллээ. 

Энэхүү хамтын ажиллагааны хүрээнд: 

• Насны ангилалд (бага, дунд, ахлах анги) тохирсон инженер, эрчим хүчний суурь ойлголт бүхий STEM хөтөлбөр хамтран боловсруулна. 
• ШУТИС-ийн багш, профессоруудын мэргэжлийн зөвлөмжид үндэслэсэн сургалтын модуль, лабораторийн агуулга боловсруулна. 
• EDU PARK-ийн STEM анги, сургалтын төвөөр дамжуулан хүүхэд, сурагчдад инженерчлэлийн мэдлэгийг хүргэнэ. 
• Туршилт, лабораторийн ажлын агуулга болон STEM тоног төхөөрөмжтэй анги танхим бий болгоно

Мөн бид: 

Инженер мэргэжлийн үнэ цэнэ 

Хөдөлмөрийн зах зээлийн эрэлт 

Монгол Улсын хөгжлийн стратегид инженерийн эзлэх байр суурийг  хүүхэд, эцэг эхчүүдэд ойлгуулах нээлттэй арга хэмжээнүүд зохион байгуулах болно. 

Түүнчлэн ШУТИС-ийн оюутнуудыг: 

• Дадлага , start-up хөгжүүлэх
• Сайн дурын ажил 
• STEM ангид багшлах боломжуудаар дэмжин, боловсролын үйл ажиллагаанд оролцуулна.