Монгол улсын Эрчим хүчний яам, Азийн Хөгжлийн Банк хамтран хэрэгжүүлж буй  Эрчим хүчний сүлжээнд ашиглах том чадлын хуримтлуурын төслийн хүрээнд  ‘’Эрчим хүчний салбарт ажиллаж буй эмэгтэй инженерүүдийг чадавхжуулах” сургалтыг Монгол улсын шинжлэх ухаан технологийн их сургуулийн Эрчим хүчний сургуультай хамтран зохион байгуулж байна.

   Уг сургалтанд Эрчим хүчний яам болон салбарын 16 байгууллагын 120 эмэгтэй инженер техникийн ажилтнуудыг хамруулах бөгөөд эхний ээлжийн анхан шатны  сургалтанд хамрагдах 50 эмэгтэй инженер техникийн ажилтнууд  сургалтандаа амжилттай хамрагдаж гэрчилгээ гардан авлаа.

   Хөтөлбөрт эрчим хүчний салбарын холбогдох хууль тогтоомж тэдгээртэй холбогдон гарсан эрх зүйн актууд, түүний хэрэгжилт, “Төрөөс эрчим хүчний талаар баримтлах бодлого, ойрын болон хэтийн төлөв, эрчим хүчний батарей хуримтлуурын систем, түүний төрөл, ажиллагааны зарчим, сэргээгдэх эрчим хүчний салбарын хөгжил, цахилгааны инженерийн мэргэжлийн онолууд, цахилгаан систем, цахилгаан системийн реле хамгаалалт, автоматжуулалт, хувь хүний хөгжил ба манлайлал болон эрчим хүчний салбарын жендерийн өнөөгийн нөхцөл байдлын талаарх хичээлүүдийг мэргэжлийн багш нар зааж байна.