ШУТИС-ийн "Багш, ажилтны ёс зүйн өдөрлөг"- боллоо

    ШУТИС-ийн Багш, ажилтны ёс зүйн зөвлөлөөс “ШУТИС-ийн Багш, ажилтны ёс зүйн дүрэм”-ийг танилцуулах, хувь хүний ёс зүйн боловсролыг дээшлүүлэх зорилгоор 2021 оны 4-р сарын 5-аас 12-ны өдрүүдэд ШУТИС-ийн "Багш, ажилтны ёс зүйн өдөрлөг" цахимаар зохион байгуулагдлаа.

Энэ өдөрлөгийн хүрээнд дараах ажлууд зохион байгуулагдлаа. 

     Дархан-Уул аймаг дахь Технологийн сургуулийн Технологийн салбарын эрхлэгч, доктор Ph.D, дэд профессор Б.Пүрэвжаргал багшийн бэлтгэсэн / "БИД ЁС ЗҮЙГ ЭРХЭМЛЭНЭ" (facebook frame) гэсэн хүрээг өдөрлөгийн хугацаанд ЭХС-ийн нийт 17 багш ажилтан нар ашиглан цахим орчинд нэгдлээ.

• ГХС-ын захирал доктор Ph.D, дэд профессор Ц.Энхбаатар багшийн бэлтгэсэн ёс суртахуун, ёс зүйн боловсролтой холбоотой танин мэдэхүйн мэдээ, мэдээлэлийг  “ШУТИС-ийн багш”, “Багшийн хөгжлийн баг – ЭХС”,  ЭХСургуулийн Үйлдвэрчний эвлэл  зэрэг facebook группүүдэд  тавигдлаа.
• Механик тээврийн сургуулийн доктор Ph.D, дэд профессор А.Эрдэнэтуяа багшийн бэлтгэсэн  “ШУТИС-ийн багш, ажилтны ёс зүйн дүрэм”-ийн ppt танилцуулга  өдөр бүр дээрх группуудэд тавигдлаа.
• ЭХС-ийн ахлах багш, доктор Ph.D Х.Сарангэрэл багшийн оруулсан ёс зүйн боловсролын тухай тайлбарласан нийт 11 Youtube бичлэгийг мөн дээрх группүүдэд тавигдлаа.
• ХШУС болон ШУТИС-ийн багшийн ёс зүйн зөвлөлөөс хамтран "Багш мэргэжлийн ёс суртахууны манлайлал" гэсэн сургалтыг 2021 оны 04 дүгээр сарын 8-ны өдөр зохион байгууллаа. Удирдлагын академийн багш, доктор, дэд профессор Н.Цолмонтуяа багш илтгэл тавьсан бөгөөд энэхүү цахим лекц семенарт нийт ШУТИС-ийн нийт 156 багш ажилтан оролцсон бөгөөд ЭХС-аас 14 багш ажилтан оролцлоо.

ШУТИС-ийн "Багш, ажилтны ёс зүйн өдөрлөг"-т идэвхтэй оролцсон нийт багш

ажилтан та бүхэнд талархал илэрхийлье.

2021.04.12

 ЭХС-ийн БХБ