Эрчим хүчний сургуулийн төлөөлөл 2020 оны 10 сарын 13-ний өдөр  Монгол Улсын засгийн газрын гишүүн Эрчим хүчний сайд Н.Тавинбэх, Эрчим хүчний яамны төрийн нарийн бичгийн дарга Б.Насантогтох нартай уулзав.

Эрчим хүчний сургуулийн захирал доктор (Ph.D), профессор Ч.Мангалжалав, ШУТИС-ЭХС-ийн төгсөгчид Монгол улсын эрчим хүчний сайд болон Эрчим хүчний яамны төрийн нарийн бичгийн даргаар томилогдсон явдалд баяр хүргээд Эрчим хүчний сургуулийн эрдэмтэн багш нарын оюуны бүтээл, Шинжлэх ухаан, технологийн их сургуулийн үндсэн сурах бичгийн дээжийг дурсгав.

Уулзалтын явцад эрчим хүчний салбарын инженерүүдийг бэлтгэж байгаа өнөөгийн байдал, хэтийн зорилт, эрчим хүчний салбарын  инженер техникийн ажилтны хүний нөөцийг нэмэгдүүлэхэд Эрчим хүчний сургуулийн гүйцэтгэх үүрэг, Эрчим хүчний яам болон сургууль хоорондын хамтын ажиллагааны шинэ чиглэлүүдийг харилцан тохирч, Эрчим хүчний сайд Н.Тавинбэх ойрын хугацаанд Шинжлэх ухаан технологийн их сургуульд ажиллан, Эрчим хүчний сургуулийн  эрдэмтэн багш, судлаачид оюутан залуучуудад зориулсан салбарын бодлого, түүний хэрэгжилтийн талаарх лекц, ярилцлагад оролцохоо илэрхийлэв.