“Эмнэлгийн Инженерчлэлийн Ирээдүй” сэдэвт Улсын Хоёрдугаар Эрдэм шинжилгээний хурлыг ШУТИС-Эрчим Хүчний Инженерчлэлйн Сургууль-Монголын Эмнэлгийн Инженерчлэлийн Нийгэмлэг хамтран ШУТИС VIII байрны Олон улсын хурлын танхимд амжилттай зохион байгууллаа.

Эрүүл мэндийн салбарт нэвтэрч буй сүүлийн үеийн тоног төхөөрөмжүүдийн хэрэглээ, ашиглалтын мэдээллийг түгээх, тухайн мэргэжлээр суралцаж буй дэд бакалавр, бакалавр, магистрант, докторант оюутнуудын судалгааны ажил, бүтээлийг танилцуулах, тэдний бүтээлч сэтгэлгээг хөгжүүлэх зорилготой “Эмнэлгийн инженерчлэлийн ирээдүй” эрдэм шинжилгээний хурлыг Монгол Улсын их, дээд сургуулиудад Эмнэлгийн тоног төхөөрөмжийн инженер, техникч мэргэжлээр суралцаж буй нийт оюутан, судлаач нарын шилдэг илтгэл, бүтээлүүдийг 2026 оны 5-р сарын 2-ны өдөр шалгаруулав.

• Шилдэг илтгэл (өгүүлэл)-ийг 2 үе шаттай шалгаруулав. I шатад 37 өгүүлэл ирүүлснээс II шатанд 11 өгүүллийг хэлэлцүүлэгдэж, шилдэг гурван өгүүллүүдийг шалгарууллаа.
• Тухайн сургуулиудын оюутнуудын 10 гаруй биет бүтээлээр үзэсгэлэн гаргаж, шилдэг гурван бүтээлүүдийг шалгарууллаа.

     Мөн өдөр “Ажил олгогчдийн өдөрлөг”-ийг зохион байгуулж, нийт оюутнуудад компаний үйл ажиллагааны танилцуулга хийж, чиглүүлэх сурталчилгааны ажилд 10 гаруй ХХК-ууд оролцлоо.

     Тус өдөр “Эмнэлгийн тоног төхөөрөмжийн ашиглалт” хөтөлбөрийн анхны багш, ЭХИС-ийн ЦТТ-ийн эрхлэгч Доктор (Ph.D), Дэд профессор Д.Пүрэвдашийн “Номын баяр” болж үе үеийн төгсөгч, оюутан, ажил олгогч нарт бүтээлээ танилцууллаа.  

    Энэхүү өдрийн үйл ажиллагаануудад ЭХИС-ийн удирдлага, “Эмнэлгийн Инженерчлэлийн Нийгэмлэг”-ийн гишүүд, ажил олгогчид болон оюутнууд нийт 180-200 хүн оролцлоо.