Дорноговь аймгийн Сайншанд хотод зохиогдсон ажил мэргэжлийн уулзалт

ШУТИС-ийн Эрчим Хүчний Сургуулийн  Цахилгааны инженерийн салбарын “Цахилгаан хангамж” хөтөлбөрийн багш нар Дорноговь аймгийн Сайншанд хотноо 2015 оны 06-р сарын 27-ны өдрөөс 06-р сарын 29-ний хооронд төгсөгчидтэйгээ  ажил мэргэжлийн уулзалт зохион байгуулав.

Уг уулзалтаар Шинжлэх Ухаан Технологийн Их Сургуулийн Эрчим Хүчний Сургуулийг “Цахилгаан хангамж” мэргэжлээр төгссөн Дорноговь аймагт  ажилладаг үе үеийн төгсөгчидтэйгээ хамтран ажиллах, ажил мэргэжлийн тулгамдаж буй асуудал, цаашид шийдвэрлэх арга хэмжээний талаар нээлттэй ярилцлага зохион байгуулав.

1. УБ Төмөр замын Эрчим Хүч Ус Хангамжийн 2-р ангийн дарга Н.Бадраа болон борлуулалтын инженер М.Энхтуяа нар биднийг  хүлээн авч Сайншанд хот болон ЭХУХ-ын 2-р ангийн цахилгаан хангамжийн шинэчлэл, бүтээн байгуулалтын өөрсдийн туршлага, өнөөгийн тулгамдаж буй асуудлын талаар танилцуулав. Багш нар тус ангийн цахилгаан хангамж, нөөц тэжээлийн үүсгүүр болох Г-73 маягийн дизель цахилгаан станцын ажиллагаатай танилцав.

Төмөр замын ЭХУХ-ийн II-р ангитай танилцсан

1. Мөн Сайншанд хотын “Чандмань-Илч” ХХК дулааны станцын цахилгааны инженер, цахилгаан хангамжийн магистрант Х. Ганцацрал тус дулааны станцын үйл ажиллагаатай танилцуулж, цаашид хамтран ажиллах талаар ярилцлаа.

1. ШУТИС-ийн ЭХС-ийн Цахилгааны Инженерийн Салбарын доктор, профессор Б.Сэргэлэн тус сургуулийн “Цахилгаан хангамж” мэргэжлийн бакалавр, магистрын сургалтын хөтөлбөрийг Герман улсад төвтэй  Олон улсын магадлан итгэмжлэлийн ASIIN e.V.-(Accreditation Agency for Degree Programmes in Engineering, Informatics, the Natural Sciences and Mathematics) болон Европын магадлан итгэмжлэлийн  EUR-ACE (Framework Standards for the Accreditation of Engineering Programmes) байгууллагаар магадлан итгэмжлүүлсэн талаар тодорхой танилцуулав.

Энэхүү уулзалтыг амжилттай  зохион байгуулахад гүн туслалцаа үзүүлсэн Улаанбаатар Төмөр замын ЭХУХ-ын 1-р ангийн ерөнхий инженер С.Энхтайванд талархал дэвшүүлж, цаашдын ажил хөдөлмөрт нь амжилт хүсье.