Мэргэжлийн тодорхойлолт: 

Цахилгаан электроникийн хөтөлбөр нь цахилгааны инженер технологийн чиглэлээр аливаа бүтээгдэхүүн, системийн инженерчлэлийн шийдлийг төлөвлөх, хэрэгжүүлэх, зохион байгуулах мэдлэг, шинжлэх ухааны шинэ технологи, чиг хандлагад үндэслэн судалгаа шинжилгээ хийх ур чадвар, бүтээлч сэтгэлгээтэй, багаар ажиллах болон бие даан мэргэжил, мэдлэгээ дээшлүүлэх чадвартай ёс зүйтэй инженерийг бэлтгэнэ.

• Суралцах хугацаа: 4 жил
• Олгох зэрэг:   Техникийн ухааны бакалавр (BSc)
• Хөтөлбөрийн индекс: 078813
• Хөтөлбөрийн түвшин: Бакалавр (ISCED 06)
• Сургалтын хэлбэр:    Өдөр
• Цуглуулах нийт багц цаг:    133

Хөтөлбөрийн онцлог: Цахилгаан хэлхээний онол, электроник, мэдрэгч ба хувиргагч төхөөрөмж, цахилгаан соронзон төхөөрөмж, хяналт удирдлагын систем, эрчим хүчний электроник, микроконтроллер, мэдээлэл дамжуулах протокол, робот систем, эрчим хүчний системийн ухаалаг электрон төхөөрөмжүүдийн үйл ажиллагааг удирдах, чиглүүлэх, зохион бүтээх, хэрэгжүүлэх мэдлэгтэй, компьютер,  программчлалын хэл, IoT, цахилгаан электроникийн системийг зохиох, бүтээх, хэрэглэх, сэтгэх  цахилгаан дулааны станц, аж үйлдвэр, бизнес болон нийгмийн орчинд автоматжуулах, тоног төхөөрөмж шинээр сэтгэх, зохион бүтээж, хэрэгжүүлж, ажиллуулах чадварыг сургахад төвлөрнө. 

Төгсөгчдийн ажлын байр: Эрчим хүчний байгууллагууд, цахилгаан дамжуулах, түгээх сүлжээний компаниуд, байгууламжын автоматжуулалт ба хяналт удирдлагын систем, сэргээгдэх эрчим хүчний станцууд, хүнд ба хөнгөн үйлдвэрүүд бусад салбарын цахилгаан, Embedded системийн хөгжүүлэгч, электроник хяналт удирдлага, дэвшилтэт технологи, хиймэл оюун ухаан, ухаалаг систем, судалгааны байгууллагууд, зураг төсөл боловсруулалтын компаниуд, олон улсын болон дотоодын төсөл, хөтөлбөр дээр ажиллана.

Сургалт, судалгааны лабораториуд

Хөтөлбөрөөр эзэмших мэдлэг, ур чадвар:

• Цахилгааны инженерийн үйл ажиллагаанд шаардлагатай онол болон практикийн мэдлэг эзэмшинэ.
• Цахилгаан хэлхээ, электроник, программчлалын онолын суурь мэдлэгийг инженер технологийн асуудлуудыг мэргэжлийн түвшинд шийдэхэд хэрэглэх.
• Хүчний электроникийн тооцоо тохируулга удирдлага хийх чадвартай.
• Цахилгаан болон электрон төхөөрөмжийг зохион бүтээх, программчлах, ажиллагаанд оруулах чадвар эзэмшинэ. 
• Инженер  технологийн  чиглэлийн  аливаа  асуудлыг  өргөн хүрээнд задлан шинжлэх, онолын мэдлэгтэй багаар ажиллах чадвар бүхий цахилгаан, электроник болон техникийн түвшний программчлалын хэл ашиглах ур чадвартай инженер болж төгсөнө.

Хөтөлбөрийн давуу тал:

• Олон улсын стандартад нийцсэн сургалтын хөтөлбөртэй.
• Цахилгаан, электроник болон программ хангамжийн мэдлэгтэй төгсөнө.
• Эрчим хүчний электроникийн тоног төхөөрөмжийг бие даан зохион бүтээх чадвар эзэмшинэ.
• Хөрвөх чадвартай.
• Чадварлаг багшлах бүрэлдэхүүнтэй.
• Ажлын байрны эрэлт ихтэй.
• Лабораторийн бааз сайтай.

Сургалтын төлөвлөгөө харах

Хөтөлбөрийн танилцуулга видео:

Холбоос: ЦЭ ТАНИЛЦУУЛГА